Editing Հետաքրքրաշարժ Հանրահաշիվ (section)

===ԼՈԳԱՐԻԹՄՆԵՐԸ ԱՆԱՍՆԱՆՈՑՈՒՄ===

'''''Խնդիր'''''

Այսպես կոչված «պահպանման» կերի քանակը (այսինքն կերի այն ամենափոքր քանակը, որը միայն լրացնում է օրգանիզմի ծախսերը ջերմության, ներքին օրգանների աշխատանքի, մեռնող բջիջների վերականգնման համար և այլն)<ref>Ի տարբերություն «մթերատու» կերից, այսինքն՝ կերի այն մասից, որը ծախսվում է անասնային մթերք ստանալու վրա։</ref> համեմատական է անասունի մարմնի արտաքին մակերևույթին։ Իմանալով այդ, որոշեցեք պահպանող կերի կալորիականությունը այն եզան համար, որո կշռում է <math>420 \; կգ</math>, եթե նույն պայմանների դեպքում <math>630 \; կգ</math> կշռով եզը կարիք ունի <math>13 \; 600</math> կալորիայի։

'''''Լուծում'''''

Անասնապահության բնագավառից այդ գործնական խնդիրը լուծելու համար բացի հանրահաշվից հարկավոր է դիմել երկրաչափությանը։

Համաձայն խնդրի պայմանի որոնելի <math>x</math> կալորիականությունը համեմատական է եզան մակերևույթին (<math>S</math>), այսինքն՝

<math>\frac{x}{13 \; 500} \;=\; \frac{S}{S_1}</math>,

որտեղ <math>S_1</math>-ը <math>630 \; կգ</math> կշիռ ունեցող եզան մարմնի մակերևույթն է։ Երկրաչափությունից մենք գիտենք, որ նման մարմինների մակերևույթները (<math>S</math>) հարաբերում են, ինչպես նրանց գծային չափերի (<math>l</math>) քառակուսիները իսկ ծավալները՝ (և, հետևաբար, կշիռները), ինչպես գծային չափերի խորանարդները։ Ուստի՝

<math>\frac{S}{S_1} \;=\; \frac{l^2}{l_1^2}, \; \frac{420}{630} \;=\; \frac{l^3}{l_1^3}</math> և, նշանակում է՝ <math>\frac{l}{l_1} \;=\; \frac{\sqrt[3]{420}}{\sqrt[3]{630}}</math>,

որտեղից

<math>\frac{x}{13 \; 500} \;=\; \frac{\sqrt[3]{420^2}}{\sqrt[3]{630^2}} \;=\; \sqrt[3]{\left(\frac{420}{630}\right)^2} \;=\; \sqrt[3]{\left(\frac{2}{3}\right)^2}</math>,

<math>x \;=\; 13 \; 500 \sqrt[3]{\frac{4}{9}}</math>

Լոգարիթմական աղյուսակների օգնությամբ գտնում ենք՝

<math>x=10 \; 300</math>։

Եզը կարիք ունի <math>10 \; 300</math> կալորիայի։