Editing Երգարան (1956) (section)

===ԿԱՔԱՎԻ ԳՈՎՔԸ===
<poem>

Արև բացվեց թուխ ամպերեն,
Կաքավ թըռավ կանաչ սարեն,
Կանաչ սարեն, սարի ծերեն,
Բարև բերավ ծաղիկներեն։
::Սիրունի՜կ, սիրունի՜կ,
::Սիրունիկ, նախշուն կաքավիկ։

Քո բույն հյուսած ծաղիկներով,
Շուշան, նարգիզ, նունուֆարով,
Քո տեղ լըցված ցող ու շաղով,
Քընես, կելնես երգ ու տաղով։
::Սիրունի՜կ, սիրունի՜կ,
::Սիրունիկ, նախշուն կաքավիկ։

Քո թև փափուկ ու խատուտիկ,
Պըստիկ կըտուց, կարմիր տոտիկ,
Կարմիր-կարմիր տոտիկներով,
Կըշորորաս ճուտիկներով։
::Սիրունի՜կ, սիրունի՜կ,
::Սիրունիկ, նախշուն կաքավիկ։

Երբ կըկանգնես մամռոտ քարին,
Տաղեր կասես ծաղիկներին,
Սարեր, ձորեր զըվարթ կանես,
Դարդի ծովեն սիրտ կը հանես։
::Սիրունի՜կ, սիրունի՜կ,
::Սիրունիկ, նախշուն կաքավիկ։
</poem>

::::::::<FONT SIZE="-1">Խոսք՝ '''Հ. Թումանյանի'''</FONT>
::::::::<FONT SIZE="-1">Երաժշտ.՝ '''Կոմիտասի'''</FONT>