Editing Ճաքած լռություն (section)

=ՀԱՅ ԺՈՂՈՎՐԴԻ ՃԱԿԱՏԱԳԻՐԸ=

...Եվ ինձ նախապես աչքեր պետք չէին՝ <br> 
Իմ չունեցա՜ծը տեսնելու համար։ <br> 

Երբ ես ծնվեցի՝ մերկ ամբողջովին, <br> 
Իմ մերկությունը <br> 
Ծածկելու համար ձեռքեր փնտրեցի <br> 
Առաջին ճիչիս արձագանքներում։ <br> 
Իսկ երբ որ փնտրած-գտած ձեռքերս <br> 
Կարճ եղան մի քիչ, <br> 
Ու չծածկեցին մերկությունը իմ՝ <br> 
Տխուր լաց եղա։ <br> 
Եվ տխրությունս երազներ ծնեց, <br> 
Կարոտներ ծնեց մաքուր ու բարի, <br> 
Կարոտով լցված մի մեծ սիրտ ծնեց <br> 
Եվ իմ ուղեղում <br> 
Միտքս սկսեց կաթ-կաթ ծովանալ...  <br> 
Եվ միտքս երկնեց... <br> 
Եվ ես զգացի, որ ինձնից առաջ, <br> 
Դարեր առաջ ու հազարամյակներ, <br> 
Իմ նախնիները <br> 
Ձեռքեր ունեին ծնկներին հասնող, <br> 
Իսկ իմ ձեռքերը այնքա՜ն էին կարճ, <br> 
Որ չէին ծածկում նույնիսկ... մերկություն... <br> 
Ու ես լաց եղա... <br> 

Այդքան ժամանակ ինձ աչք պետք չեղավ, <br> 
Բայց երբ առաջին քա՜յլս արեցի,  <br> 
Ես նո՛ր զգացի, որ ինձ աչք է պետք՝ <br> 
Առաջին քա՜յլս տեսնելու համար։ <br> 
Եվ ես քայլեցի՛ դարերի միջով... <br> 
Իմ ճանապարհին <br> 
Վերելքներ եղան ու նեռ անկումներ, <br> 
Ինչքան բարձրացա՝ այնքան կորցրի, <br> 
Ինչքան կորցրի՝ այնքան երկնեցի, <br> 
Այնքան կերտեցի... <br> 
Ու մի այդքան էլ... նորի՛ց կորցրի։ <br> 

...Ինձ աչքեր պետք չեն՝ <br> 
Իմ կորցրա՜ծը տեսնելու համար։ <br> 

09.05.83, Բաքու