Editing Բարձունք տանող արահետով (section)

==ՃԱԿԱՏԱՄԱՐՏ==

Ձմեռը, թեև` դժվարությամբ,<br> 
Բայց, այնուամենայնիվ, զիջեց դիրքերը:<br>
Գարնան առաջին օրերը դեռևս պահպանում էին<br>
Ձմռան սառնաշունչ օդը, բայց հետզհետե<br>
Սկսեցին տաքանալ:<br>
Գարնան շունչն զգացվեց անմիջապես,<br>
Եվ հողն ուռչեց ուրախությունից, կանաչեց:<br>
Գարնանային արևի առաջին ջերմ շողերից<br>
Սիրախաբ եղան ծաղիկներն ու գարնան այգին լցվեց<br>
Կարմրավուն ու ճերմակաթույր երանգներով:<br>
Գարնանային արևի շողերով գերված<br>
Ու գեղեցիկ ծաղիկներով պճնավորված ծառերն<br>
Ասես հրճվում էին անափ ուրախությունից:<br>

Գեղեցիկ է գարունը, բայց երբ բնությունը<br>
Հերթական անակնկալն է մատուցում`<br>
Ծառերը կրկին զգաստանում են, ընդդիմանում,<br>
Ու հերթական անգամ իրենց անզոր ըմբոստությամբ <br>
Ծառանում բնության արհավիրքների դեմ,<br>
Թեև շատ անգամ` անօգուտ ու անիմաստ:<br>

Այս անգամ էլ բնությունն իր հերթական<br>
Ապրիլմեկյան դառն կատակով փորձեց սաստել<br>
Գարնան արևի ջերմ շողերի տակ հրճվող<br>
Ծառ ու ծաղկունքին:<br>
Սարերին փռված ճերմակ սավանը կամաց-կամաց<br>
Սահեց դեպի կանաչին տվող մարգագետիններն ու<br>
Արձակ դաշտերը,<br>
Գարնան ծաղիկներով զուգված այգիները:<br>
Բոլոր գույներն իսկույն խառնվեցին ճերմակի մեջ,<br>
Բայց չկորան լիովին`<br>
Ճերմակասավան մարգագետինները<br>
Տեղ-տեղ կանաչին էին տալիս դեռ:<br>
Իսկ ծառերի`<br>
Ձյան ծանր շերտի տակ ճկված ճյուղերի վրա<br>
Դեռևս ծիկրակում էին<br>
Դեղնակարմրավուն ծաղիկները, որոնք, սակայն<br>
Անհաղորդ մնացին գիշերային ահազարհուր<br>
Փորձությանը:<br>

Գարնան գույների մեջ չնշմարվող սևը նույնպես<br>
Եկավ խառնվելու ձյունաթույր ճերմակին,<br>
Եվ դժգունացրեց ավելի:<br>
Սև շղարշի ներքո<br>
Գիշերային սառնամանիքը<br>
Դաժան հաշվեհարդար տեսավ<br>
Դեռևս թույլ ու տկար ծաղիկների հետ:<br>

Առավոտյան կրկին պարտվեց գիշերն ու<br>
Մեկդի քաշվեց:<br>
Բայց գեղեցկաբույր ծաղիկները<br>
Դժգունացել էին արդեն ու անզոր կախվել<br>
Ծառերի ճյուղերից: Ապրիլյան արևի<br>
Ջերմ շողերն այլևս անզոր էին<br>
Վերակենդանացնել նրանց: Արևն ավելի ու ավելի<br>
Տաքացավ, բայց մեռած ծաղիկներն<br>
Այլևս չէին կարող շնչել:<br>

...Սակայն ոչ բոլոր ծաղկաբողբոջներն էին<br>
Զոհ գնացել գարնան ձմեռաշունչ խաբկանքին:<br>
Եվ բացվեցին այդ բողբոջներն ու իրենց<br>
Գեղեցկությամբ պարուրեցին շրջապատը:<br>
Նաև` մեռած ծաղիկների փոխարեն... <br>